إحضرنا يا عم السعيد
من ييجى كام يوم كدة
وأنا هاتخنق
من الهموم ... ومن الفضا
قلت أكتب كلمتين
رحت جايب كشكول قديم
و الله حتى يا أستاذ سعيد
ما أعرف حتى صاحبة مين
قصر الكلام
عشان ما تقولش ان بأطول
اصلى عارفك حمقى شويتين
قصر الكلام
جبت القلم
وكتبت هم يا دوب بيتين
وقلت بردة لسة فاضى
روح ياواد عالكمبيوتر
وإبعتهم إيميل
وبعتهم
وحياة ابويا بعتهم
و والله بردة لسة فاضى
قلت أشيت حبتين
قام قالى صاحبى
على الإيميل
هو الكلام إلى بعتة
هاتبعتة تانى لمين
كلام فى سرك
كلامة نفخنى
حسيت بأنى بقيت سمين
قلت ياد وصل كلامك لاهل بلدك
أهو بردة تصيت
دة أنت مدفون من سنين
وأهو يعرفوا إن أنت شاعر
وشااااااااااعر قدير
قمت داخل على النت تانى
وعملت سيرش
ودخلت عندك
وعملت سيرش
كدة نبقى إحنا غلطانين
جبت الكلام الى قلت
إنى كتبتة من شوية
ورحت كاتبة مرة تانية
وقلت للماوس تعالى رايحة فين
تمام يا سيدنا
قول أمين
تانى يوم
بأفتح يا اخويا موقعك
الله يحفظة
لقيت يا اخويا كلام كبييييييييير
واحد يقول ما اعرفش اية
كلام معناة
انى ما أعرفش حاجة فى الدين
و الا يمكن كان بيقصد ان
من الفشلة
و الا من الفاسقين
أنا قلت أبعتلك
وأقولك على الى كاتب الكلام
هو ممكن ابن السنة
وألا باين روح إنسان
الخلاصة والسلام
البلد الى هاتخصر نجم زييى
كان لة مستقبل تمام
باقولك كلام و أنا متأصر
إن بلدى موقفانى
من التقدم للامام
استنى كدة
ايوة مين ؟
حد بينادى عليا
دى خالتى باين عايزة حاجة
خلاص نكمل فى قاعدة تانية
وسلام ...........سلام