قاعدة مصاطب

قاعدين كتير ...ستات كبار
قاعدة مصاطب
قلت اسمع بيقولوا اية
قالوا كتير .. كلام ..وعادوا
والى عادوا رجعوا من تانى
قالوة
قالوا يا أختنى حاسة إنة بيغير عليها
مش خلاص اتفرقوا
الغيرة لية ؟
قالوا لسة بيسأل عليها
حتى فى نظرات عنية
قالوا راح وجاب مكانها
الى هاتنسية زمانها
وهى فارقة عنها إية
قلت أكتب لك رسالة
وأوعدك...تبقى أخر رسالة ليكى
بأغير عليكى
أيوة لسةبأغير عليكى
أيوة عارف إنة بيحبك
وإنة هايحافظ عليكى
بس أنا
لسة مش قادر أصدق
إن غيرى يبقى ليكى
إن شمسى ف عز ...ظهرى
تنسرق
إن حلم العمر ....قدام عنيا
يتشنق
إن .. عمرى .. حبى .. كلى
يتحرق
أيوة... بأعترفلك
بأغير عليكى
وبأسال عليكى
فى كل نظرة .. حايرة من عنيا
فى كل كلمة باقولها
فى كل ثانية
فى كل وش باقابلة
بأحسك .. أنت فية
وبأسالة
أخبارها إية ؟
أقولك إية ؟
و بعد الفراق .... إية يتقال
باسأل عليكى
جايز عشان باعيش حياتى
فاكرنى لسة فى أيام زمان
يمكن عشان
أنت الامان
يمكن عشان قلبى لسة
مش مصدق الى كان
و ألا عينى إلى لازم تبوس ... عيونك
قبل ما تقرر تنام
و ألا ... روحى
و ألا ... عمرى
وألا .... و ألا
صدقينى ما أعرفش لية
بأسال عليكى و السلام
قالوا مع الى قالوة وعادوا
جاب مكانك
أنت !!!!
أنت يللى الضحكة منك
تشفى أوجاع السنين
انت يللى البص ليكى
تسحر
تهدى
تفرح القلب الحزين
دة انت لما ... قلبى بيسمعك
بتحولينى
تفرحينى
بتعمليلى الفرح
من جوة الأنين
ييجى زيك !!!!
و أنت زيك فى الدنيا مين
إسالى قلمى الى بيكتب لك رسالتى

مين حبيبتى
هايكتب ؟؟؟؟

عايزين ردوووووووووود وكدة يعنى

بسم الله الرحمن الرحيم___عزيزي أو عزيزتي__من كانوا يجلسون علي المصاطب لو عادوا للحياة لتبدلت أحوالنا فهم أناس لم تلوثهم الحضارة والمدنية كما لوثتنا وأظن لو قام أحدهم من قبره وسمع ما قيل لقتل من قاله _جاؤا لرجل أراد تطليق زوجته فقالوا له ماذا بينكما قال العاقل لا يهتك ستر بيته فلما طلقها قالوا طلقتها فماذا كان بينكما قال ومالي وزوجة غيري_هذا من أصحاب المصاطب ٠وعجبا لم تحببها إلا بعدما تركتك وتنقم عليها لأنها أصبحت لغيرك_ما هذا الحقد_وإن قلت هذا ليس منهجي ولا أسلوبي سأقول لك وما الذي دعاك لتنقله إلينا)وتقبل أو تقبلي تحياتي(

شعرا جميل شكرا